دانیشما كؤكَلرسن !
ساده سؤزله، یئماق و یاتیب آییلماقدان توتدو بوتون گوندهلیق ایشلریمیز اوچون بدنیمیزده مخصوص نظم وار. هامینین بدنینده غذانین هضم و جذبی اوچون ترشّوح تاپانُ هورمونلارا مخصوص ساعت وار یعنی هر نهقدر داها مونظم غذا یئساق، بیر او قدر بدنین بیولوژیك ساعتینین نظمینه كؤمك ائتمیش اولموشوق. و بدنده غذانین هضمی و جذبی اوچون لازیم اولان حاضیرلیغی اولار. و غذانین یئماغی و هضم و جذبی دوزگون انجام تاپسا، یئماقدان سونرا آغیرلیق و دولولوق احساسی بیزه ال وئرمز.
تاجیكستان جماعتینین بیر آیری گؤزل عادتلریده بودور كی غذا وعدهلرین هئچ بیرین حذف ائلهمزلر. بیز سالیم یئماق برنامهسینده اوچ اصلی وعده و ایكی ایلا اوچ میان وعده یئماغی تأكید ائدیریك. تاجیكستانلیلار هئچ وعدهلرینی حذف ائلهمیهنده، یعنی بو دوزگون یئماق برنامهسینه عمل ائدیرلر. یاخجیدیر بیلهسیز كی بیز یئماق وعدهسینی حذف ائدنده بدنیین یئماغا احتیاجی آرادان گئتمیر بلكه بدن اؤز احتیاجینی آیری یئردن تأمین ائدیر و سلوللارین ایختیاریندا قویور. مثلاً بدنیمیزین همیشه قنده احتیاجی وار. ایندی بدنین، قند احتیاجی موختلیف غذالارین یئماغیاینن تأمین اولماسا، بدن بو احتیاجی عَضولهلردن تأمین ائدر و لازیم اولان قندی قارا جیگره چاتدیرار. بو منبعلردن ایستیفاده ائلهدیقجن، بدنین متابولیسمی گئد-گئده آزالار و بئلهلیكله كؤكلوغا زمینه فراهم اولار.
اوچونجو نوكته تاجیكلرین یئماق یئیهنده دانیشماماقلاریدیر كی بو دا اونلارین گؤزل عادتلریندن ساییلیر. بیز غذا یئیهنده فیكریمیزی كیتاب اوخوماغا، تیلویزیونا باخماغا یا دانیشماغا وئرساق، حتماً توخلوق سیگناللارینی وقتینده آلانمایاجاغیق و توخلوغوموزدان خبریمیز اولمایاجاق. بئله اولاندا چوخ یئماق و بیر زماندان سونرا كؤكَلماق بعید اولمایاجاق. بوندان علاوه اولا بیلر كی یئماق زمانی دانیشیقلاریمیزین بیر پاراسی خوشوموزا گلمهسین و بو باعیث اولا غذانین هضم و جذبینه لازیم اولان هورمونلارین ترشّوح تاپماسیندا خیلل یارانا و بو مسأله بدنیمیزین ساغلاملیغینا قولای اثر قویا.
علامه جعفری: خدایا تو را سوگند به عظمتت در این دار دنیا که جایگاه بده و بستان و معامله است موفق بفرما که ما مغبون نشویم آنچه که می گیریم بیارزد در مقابل آن سرمایه الهی حیات که از دست می دهیم