تاماشا
رحمتليک عبدالرحمن طيار((دده کاتب))/بئش گون يازا باهارا آلدانان انسان
بئش گون يازا باهارا آلدانان انسان
يازين گئتسه قيشيندادير تاماشا
مغرور اولوب قورولوقدا آت قووان
باتلاقلارا دوشنده دير تاماشا
***
زامان دؤنر هر واخت بوگون اولانماز
قوجاليغا لقمان چاره بولانماز
سيندين کئچر قان داماردا دولانماز
آياقلارين شيشنده دير تاماشا
***
گوونمه گوجونه بوکولر بئلين
توکنر آيلارين قورتولار ايلين
تؤکولر ديشلرين دوز دئمز ديلين
پلتک ووروب چاشاندادير تاماشا
***
دده کاتب گولوستانين سولاندا
حق صاحبي امانتي آلاندا
جانسيز جسد تورپاق آلتدا قالاندا
يئر قوردلاري دئشنده دير تاماشا
+ نوشته شده در چهارشنبه ۱۲ بهمن ۱۳۹۰ ساعت 9:21 توسط اکبر زواری رضائی
|
علامه جعفری: خدایا تو را سوگند به عظمتت در این دار دنیا که جایگاه بده و بستان و معامله است موفق بفرما که ما مغبون نشویم آنچه که می گیریم بیارزد در مقابل آن سرمایه الهی حیات که از دست می دهیم