باشينا دؤنوم
کؤنول اؤز حقّينه قانع
اول باشينا دؤنوم سنين
دوستون قدرين ساغليغيندا
بيل باشينا دؤنوم سنين
****
دانيشاندا باخ ساغ-سولا
مني سالما قالماقالا
گل باشيما آچما بلا
ديل باشينا دؤنوم سنين
****
هر ايشينده صولحه چاليش
چوخ کوسولو قالما باريش
کنار گزمه خلقه قاريش
گل باشينا دؤنوم سنين
****
دده¬کاتب سؤزون حاق¬دير
بوگون حاق سؤز تاققاتاق¬دير
پول اولماسا حاق, ناحاق¬دير
پول باشينا دؤنوم سنين
دوداق دَگمَز
ائل آشيغي ائللرينده گزگيلن
شان شهرتلي آغير ائللر سنين دير
ديلين دؤنسون شنليکلرين اوستونه
ساز قوينوندا اينجه تئللر سنين دير
****
شادليغي ياي اؤلکه لره ائللره
سونا گتير چايلار ايله گؤللره
احسن اولسون او يارادان اللره
شن ائللرده، شيرين ديللر سنين دير
****
سازيني چال قوي ائللرين شاد اولسون
غصه- کدر يورد ايچينده ياد اولسون
قوي هر آهين آتش اولسون اود اولسون
سدلر ييخان گوجلو سئللر سنين دير
****
اَح نقطه اَد(اح.د) يئندير اوجا داغلاري
قوي داغيلسين ائلين اسکي داغلاري
او داغلاردا چيچک آچان چاغلاري
ياز گتيرن گوللو اللر سنين دير
علامه جعفری: خدایا تو را سوگند به عظمتت در این دار دنیا که جایگاه بده و بستان و معامله است موفق بفرما که ما مغبون نشویم آنچه که می گیریم بیارزد در مقابل آن سرمایه الهی حیات که از دست می دهیم