bayram

Tax – tax qapımız çalındı birdən

Qaçdım qapıya dedim ki kimsən

Səs gəldiki bayramam oğul aç

Gəldim ki qara qışa diyəm qaç

Qışqırdı dədəm , açma amandı

Bayram kasıba bu il yamandı

Nə püstə ucuz qaldı nə fındıx

Açsan qapını oğul yıxıllıx

Arvad məni göndərər bazarə

Püstə almasam soxar məzarə

Məndən istiyər acili çul – çul

Ciblərdədə yoxdu bir qıran pul

Acil tukanında üz qızardar

Püstə mənə dişlərin ağardar

Açma qapını oğul amandı

Bayram kasıba bu il yamandı

بایرام

تاخ – تاخ قاپیمیز چالیندی بیر دن

قاچدیم قاپییا دئدیم کی کیمسن ؟

سس گلدی کی بایرامام اوغول آچ !

گلدیم کی قارا قیشا دییه م قاچ

قیشقیردی ده ده م ، آچما آماندی!

بایرام کاسیبا بو ایل یاماندی

نه پوسته اوجوز قالدی نه فیندیخ

آچسان قاپینی اوغول ییخیللیخ

آرواد منی گوندره ر بازاره

پوسته آلماسام سوخار مزاره

منده ن ایستییه ر آجیلی چول – چول

جیبلرده ده یوخدو بیر قیران پول

آجیل توکانیندا اوز قیزاردار

پوسته منه دیشلرین آغاردار

آچما قاپینی اوغول آماندی

بایرام کاسیبا بو ایل یاماندی