آغالار بعضي ييزه خوش گئچير ايام ائله بيل

ايستي يئردن يئتيريرسيز بيزه پيغام ائله بيل

دانيشيرسيز بئله كي شور كره دن ، قايماقدان

دوره ييزده دولانير بير سورو احشام ائله بيل

آزجا انصاف ائله اين خلقه ده بير سايقي سالين

جانلاريندا ائلييوب غم سئلي پندام ائله بيل

سيزي توتدوق باهاليق دئپرمي هئچ دربتمير

هيچ بيليرسيز ييخيلير ائل باشينا دام ائل بيل؟

قووالا قاشدي گنه ايستيري دوشسون آرايا

يوگورور اؤلكه ميزه لشكر صدام ائله بيل

نسيه سؤزلر له مگر ملتي شاد ائتمگ اولار؟

گئت ها گئت ماتمه ايستير دؤنه بايرام ائله بيل

سگگيز ايل اود الو و ايچره ياشاماق ساده دگيل

تزه دن قلبييزه جنگ اولوب الهام ائله بيل

آج قارين لا حاج آغا ، ايمانين اولماز اويونو

دئمه يين سولغون اولوب مكتب اسلام ائله بيل

خيردا خيردا ايكي نوبت ائده جكلر ، يئمه گي

كاسيبين حافظه سيندن سيلينير شام ائله بيل

او قه حط ايللري ائللر ، تزه ايستير اونودا

بركت دولتي ائيلير كوپن اعلام ائله بيل !؟

هر ادا اطوارييز ، باغلا نير ايمانه ، دينه

گورنور خلقي سانيرسيز هله ده خام ائله بيل

بو نه چايدي ايچيديرسيز هامي ني يوخلاديري؟

يئييريك قند عوضي قرص دياز پام ائله بيل

بئله كي هر دينه ني ،دين زوپاسيلا دؤيوسوز

اهل الحاده دئييرسيز:هلو وئلكام( hello welcome )ائله بيل

واجبي ، مستحب ايله ، دگيشيك سالمييالار؟

آغالار خئير ايشه ايستير ائده اقدام ائله بيل !

ايرانين اقتصادين جورله مگه چون نئچه سين

كانادا اؤلكه سينه ائتديلر اعزام ائله بيل

ملي توليدي ، ايشي ، باش ماياني، بوشلاديلار

طرح لر ، غيبي مددله ، تاپير انجام ائله بيل

حقينه دوغدو ماغيل ؟ بيژ بالاسيندان دانيشر

قصدي وار محمود عمي مصره وئره وام ائله بيل

پخيل اولما داداشيم قوي قونوشوندا گئچينه

يوسوفون قارداشي « مُرسي »جيله جك جام ائله بيل

هر نه كي قيمتي حددن گئچه گيزلتمه ليدي

دئمه مفقود الاثردي نئچه اقلام ائله بيل

گؤر نئجه استاديميز« بهمني نين »گندي گؤزو !

مركزي بانكدا بئش بئش دغور ارقام ائله بيل

يئرده گؤيده بو جماعت نييه دورمور آللاه !

قاشانير اگني ، دوشوب گؤيلونه حمام ائله بيل

نقدي بايرامليغي دولتدن آليب دردلندي

كئفله نيب بس كي يئييب اولمورو آرام ائله بيل