ائوده خانیم چوخ یوگوروبدی منه

کوچه ده نقالی گوروب تاپلادیم

چاتمادی گوج آروادا هئچ قانماییر

مرصیه دوتدوم اوتوروب آغلادیم

بایراما بیر آی قالان او قان سالیر

بایقوش اولوب منده گئجه بانلادیم

بوشدی جیبیم اوستاد دیین ماوی دن

یوخدی جیبیمده آروادی دانلادیم

بازاردا گوردیم تویوقون قیمتین

قوناق گورنده قاپینی باغلادیم

من قارا گون معاش یوخوم آی باشی

بایرام گلنده قاش قاباق سالادیم

هاله باشیندا بیری چوخ شیک پوش

چیخیش ائدنده اونی آلقیشلادیم

نفتی کی احساس ایله دیم سئفرادا

لوله نی گورجک تومانی راهلادیم

دولت پاک و همه خدمت گذار

یارانه گوردیم دیلیمی داغلادیم

چک قاییدیب حوصله یوخ بیلمیرم

آروادی من نه دیلینن آللادیم

من سئومیرم بایرام آدین هئچ زامان

نوروزی گوردیم قاشقاسین نالادیم